Home Ang Pilipinas Pambansang Sagisag ng Pilipinas (National Symbols)

Pambansang Sagisag ng Pilipinas (National Symbols)

Ang mga pambansang sagisag ng Pilipinas ay binubuo ng mga sagisag na kumakatawan sa mga tradisyon at ideolohiyang Pilipino at nagpapahiwatig ng mga prinsipyo ng soberanya at pambansang pagkakaisa ng mamamayang Pilipino. Ang ilan sa mga simbolo na ito ay ang pambansang watawat, ang Great Seal, ang Sagisag ng Republika ng Pilipinas at pambansang salawikain na nakasaad sa Flag and Heraldic Code of the Philippines, na kilala rin bilang Batas Republika 8491. Sa Saligang Batas ng Pilipinas, ang wikang Filipino ay nakasaad bilang pambansang wika ng Pilipinas. Bukod sa mga nakasaad na mga simbolo sa Saligang Batas at sa Batas Republika 8491, mayroon lamang anim na opisyal na pambansang simbolo ng Pilipinas na ipinatutupad sa pamamagitan ng batas, tulad ng sampaguita bilang pambansang bulaklak, narra bilang pambansang punong kahoy, ang agila ng Pilipinas bilang pambansang ibon, Pilipinas perlas bilang pambansang hiyas, arnis bilang pambansang sining at laro at ang Filipino Sign Language bilang pambansang sign language . Sa kabuuan, may labindalawang opisyal na pambansang simbolo ang isinabatas sa Pilipinas.

May mga simbolo na tulad ng kalabaw (pambansang hayop), mangga (pambansang prutas) at anahaw (pambansang dahon) na malawak na kilala bilang mga pambansang simbolo ngunit walang mga batas na kumikilala sa mga ito bilang opisyal na pambansang mga simbolo.  Ayon sa mga dalubhasa sa kasaysayan, kahit na si Jose Rizal na itinuturing na pambansang bayani ay hindi pa opisyal na nakadeklara bilang isang pambansang bayani sa anumang umiiral na batas ng Pilipinas.  Bagaman noong 2003, si Benigno Aquino, Jr ay opisyal na idineklara ni Pangulong Gloria Macapagal-Arroyo bilang isang pambansang bayani sa pamamagitan ng isang executive order.  Ang Pambansang Artist ng Pilipinas ay isang ranggo o isang titulo na iginagawad sa isang mamamayang Pilipino bilang pagkilala sa kanyang mga kontribusyon sa mga sining at literatura ng Pilipinas at hindi sila itinuturing bilang pambansang simbolo na kumakatawan sa mga tradisyon at mithiin.

Mga listahan ng pambansang sagisag ng Pilipinas:

Pambansang Awit: Lupang Hinirang
Pambansang Bayani: Dr. Jose Rizal
Pambansang Hayop: Kalabaw / Water Buffalo
Pambansang Ibon: Agila / Philippine Eagle
Pambansang Isda: Bangus / Milkfish
Pambansang Prutas: Mangga / Mango
Pambansang Sayaw: Cariñosa
Pambansang Tirahan: Bahay Kubo / Nipa Hut
Pambansang Isport: Arnis
Pambansang Bulaklak: Sampaguita
Pambansang Dahon: Anahaw / Fan Palm
Pambansang Sapin sa Paa: Bakya
Pambansang Laro: Sipa
Pambansang Parke: Rizal Park
Pambansang Pagkain: Litsong Baboy / Suckling Pig
Pambansang Puno: Narra
Pambansang Wika: Tagalog
Pambansang mga Kasuotan:
sa Babae: Baro’t Saya
sa Lalaki: Barong Tagalog

No posts to display

Popular articles